Главный бухгалтер

Бас есепші

Главный бухгалтер

Тип занятости: постоянная

График работы: полный рабочий день

Условия труда: нормальные

Стажировка: Не предполагается

Опыт работы: Опыт не требуется

Образование: высшее

Рабочих мест: 1

Обязанности: Маңғыстау облысының білім басқармасының Бейнеу ауданы бойынша білім бөлімінің "Ы.Алтынсарин атындағы жалпы білім беретін мектеп" КММ-нің БАС БУХГАЛТЕРІНІҢ ФУНКЦИОНАЛДЫҚ МІНДЕТТЕРІ Бас бухгалтер Қазақстан Республикасының бухгалтерлік есеп, бюджет процесі және қаржылық тәртіп саласындағы заңнамасына сәйкес бухгалтерлік есепті ұйымдастыруды және жүргізуді, қаржылық және бюджеттік есептілікті жасауды, бюджет қаражатының мақсатты әрі тиімді пайдаланылуын бақылауды қамтамасыз етеді. 1. Бухгалтерлік есепті ұйымдастыру 1. Мектептің қаржылық-шаруашылық операциялары бойынша бухгалтерлік есептің Қазақстан Республикасының заңнамасына және бекітілген есеп саясатына сәйкес жүргізілуін ұйымдастырады және қамтамасыз етеді. 2. Шаруашылық операцияларының бухгалтерлік есептің тиісті шоттарында уақтылы және дұрыс көрсетілуін қамтамасыз етеді. 3. Бастапқы бухгалтерлік құжаттардың дұрыс рәсімделуін, олардың уақтылы ұсынылуын және бухгалтерлік есепте көрсетілуін бақылайды. 4. Бухгалтерлік құжаттардың, бухгалтерлік есеп тіркелімдерінің, есептіліктің және басқа да құжаттардың белгіленген тәртіппен сақталуын қамтамасыз етеді. 5. Бухгалтерлік тіркелімдерді, айналым-сальдо ведомостарын және басқа да есеп материалдарын қалыптастыру мен сақтауды ұйымдастырады. 2. Ақпараттық жүйелер мен бағдарламаларда жұмыс жүргізу 6. Ұйымда қолданылатын «1С: Бухгалтерия» бағдарламасында бухгалтерлік есептің жүргізілуін және шаруашылық операцияларының көрсетілуін қамтамасыз етеді. 7. 1С бағдарламасында еңбекақы төлеу, өнім берушілермен және есеп беруге тиісті тұлғалармен есеп айырысу, ақша қаражатының қозғалысы, негізгі құралдар, қорлар және басқа да операциялар бойынша құжаттардың уақтылы қалыптастырылуын қамтамасыз етеді. 8. 1С бағдарламасындағы бухгалтерлік есеп деректерінің бастапқы құжаттарға, қазынашылық деректеріне және нақты шаруашылық операцияларға сәйкестігін бақылайды. 9. «Қазынашылық-Клиент» ақпараттық жүйесімен жұмыс жүргізуді қамтамасыз етеді, оның ішінде төлемдерді өткізу, міндеттемелерді тіркеу және орындау, жеке шоттарды және бюджет қаражатының қалдықтарын бақылау жұмыстарын жүзеге асырады. 10. Мектептің бухгалтерлік және бюджеттік процесіне байланысты ақпараттық жүйелерде электрондық құжаттардың дұрыс рәсімделуін және уақтылы ұсынылуын бақылайды. 11. Өз құзыреті шегінде бюджет жоспарлау, есептілік, мемлекеттік сатып алу және еңбекақы есептеулеріне байланысты ақпараттық жүйелермен жұмыс жүргізуге қатысады. 3. Бюджеттік жоспарлау және бюджетті орындау 12. Тиісті қаржы кезеңіне мектептің бюджеттік өтінімдерін жасауға арналған есептеулерді дайындауға қатысады. 13. Бекітілген бюджет, қаржыландыру жоспарлары және ұйымның қажеттілігі негізінде мектеп шығыстары бойынша қаржылық есептеулерді дайындауды қамтамасыз етеді. 14. Жеке қаржыландыру жоспарының орындалуын және бекітілген бюджет тағайындауларынан артық шығыстарға жол бермеуді бақылайды. 15. Экономикалық сыныптаманың тиісті шығыстардың ерекшеліктері бойынша бюджет қаражатының жеткіліктілігін бақылайды. 16. Бюджеттің кассалық орындалуына талдау жүргізеді, қажет болған жағдайда белгіленген тәртіппен қаражатты қайта бөлу жөніндегі ұсыныстарды дайындауға қатысады. 17. Бекітілген бюджет тағайындаулары шегінде міндеттемелердің уақтылы қабылдануын және төлемдердің жүргізілуін бақылайды. 18. Кредиторлық және дебиторлық берешектің қалыптасуына тұрақты бақылау жүргізеді және оны уақтылы реттеу бойынша шаралар қабылдайды. 4. Еңбекақы және қызметкерлермен есеп айырысу 19. Мектеп қызметкерлеріне еңбекақының Қазақстан Республикасының заңнамасына, штат кестесіне, тарификацияға, бұйрықтарға және басқа да растайтын құжаттарға сәйкес дұрыс есептелуін және төленуін қамтамасыз етеді. 20. Қосымша ақылардың, үстемеақылардың, өтемақылардың, еңбек демалысы төлемдерінің, жәрдемақылардың, уақытша еңбекке жарамсыздық бойынша төлемдердің және басқа да төлемдердің дұрыс есептелуін бақылайды. 21. Заңнамада және тиісті құжаттарда көзделген жағдайларда еңбекақыдан ұсталымдардың уақтылы жүргізілуін қамтамасыз етеді. 22. Міндетті төлемдер мен әлеуметтік аударымдардың заңнамаға сәйкес дұрыс есептелуін және аударылуын бақылайды. 23. Еңбекақы бойынша есеп айырысуларға және оларға байланысты міндеттемелерге салыстыру жүргізеді. 5. Негізгі құралдар, қорлар және басқа да мүлік 24. Негізгі құралдардың бухгалтерлік есепке қабылдануын, орын ауыстырылуын, шығуын және есептен шығарылуын дұрыс көрсетуді қамтамасыз етеді. 25. Амортизацияның дұрыс есептелуін және есеп объектілерінің баланстық құнының дұрыс анықталуын бақылайды. 26. Қорлардың, материалдық құндылықтардың, кеңсе және шаруашылық материалдарының және мектептің басқа да активтерінің бухгалтерлік есебін ұйымдастырады. 27. Мектептің мүлкі мен міндеттемелерін түгендеуге қатысады және түгендеу нәтижелерінің бухгалтерлік есепте көрсетілуін қамтамасыз етеді. 28. Мүлік бойынша қабылдау-беру, есептен шығару, орын ауыстыру және басқа да актілердің дұрыс рәсімделуін бақылайды. 6. Мемлекеттік сатып алу және өнім берушілермен есеп айырысу 29. Мемлекеттік сатып алу шарттары бойынша есеп айырысуларға бухгалтерлік бақылау жүргізеді. 30. Міндеттемелер мен өнім берушілермен және мердігерлермен есеп айырысулардың бухгалтерлік есепте дұрыс көрсетілуін бақылайды. 31. Тиісті қаржыландыру және растайтын құжаттар болған жағдайда қабылданған міндеттемелер бойынша төлемдердің уақтылы жүргізілуін бақылайды. 32. Өнім берушілермен және мердігерлермен өзара есеп айырысулар бойынша салыстыру жүргізеді. 33. Жасалған шарттар бойынша кредиторлық берешектің жағдайын бақылайды. 7. Есептілік 34. Мектеп ұсынатын қаржылық, бюджеттік, статистикалық, салықтық және басқа да есептіліктің өз құзыреті шегінде уақтылы және дұрыс жасалуын қамтамасыз етеді. 35. Есептілік көрсеткіштерін бухгалтерлік есеп, жеке шоттар және бастапқы құжаттар деректерімен салыстырып тексереді. 36. Есептіліктің белгіленген мерзімдерде уақтылы ұсынылуын қамтамасыз етеді. 37. Есептілік көрсеткіштеріне, оның ішінде ақша қаражатының қалдықтарына, дебиторлық және кредиторлық берешекке, қаржыландыру жоспарының орындалуына және басқа да қаржылық көрсеткіштерге талдау жүргізеді. 8. Ішкі қаржылық бақылау 38. Мектептің қаржылық-шаруашылық операцияларына өз өкілеттіктері шегінде алдын ала және ағымдағы бақылау жүргізеді. 39. Тиісті құжаттармен расталмаған немесе белгіленген тәртіпті бұза отырып жүргізілетін операцияларға жол бермейді. 40. Қаржылық тәртіптің сақталуын, бюджет қаражатының мақсатты пайдаланылуын және негізсіз шығыстарға жол бермеуді бақылайды. 41. Тексеру, ревизия, аудит және басқа да бақылау іс-шаралары жүргізілген кезде қажетті құжаттар мен материалдарды дайындауға қатысады. 42. Бухгалтерлік қызметтің құзыретіне жататын анықталған бұзушылықтарды жоюды қамтамасыз етеді және тиісті іс-шаралардың орындалуын бақылайды. 9. Мектеп қызметкерлерімен өзара іс-қимыл 43. Қаржылық-шаруашылық қызмет мәселелері бойынша мектеп директормен, директордың орынбасарларымен, жауапты қызметкерлермен және материалдық жауапты тұлғалармен өзара іс-қимыл жасайды. 44. Бухгалтерияға бұйрықтардың, жұмыс уақытын есепке алу табельдерінің, тарификацияның, штат кестесінің, шарттардың, орындалған жұмыстар актілерінің, жүкқұжаттардың және есеп пен есеп айырысуларды жүргізуге қажетті басқа да құжаттардың уақтылы ұсынылуын бақылайды. 45. Өз құзыреті шегінде мектеп қызметкерлеріне бухгалтерлік есеп, есеп айырысу және бастапқы құжаттарды рәсімдеу мәселелері бойынша түсіндірме береді. 46. Материалдық жауапты тұлғалардан материалдық құндылықтарды кіріске алу, қозғалысы және есептен шығару жөніндегі құжаттарды уақтылы ұсынуды талап етеді. 10. Жауапкершілік Бас бухгалтер Қазақстан Республикасының заңнамасында, еңбек шартында және лауазымдық нұсқаулықта белгіленген шектерде: * бухгалтерлік есеп пен есептіліктің дұрыстығы мен уақтылылығы; * қаржылық-шаруашылық операциялардың дұрыс көрсетілуі; * қаржылық және бюджеттік тәртіптің сақталуы; * бухгалтерлік құжаттардың сақталуы; * белгіленген есептіліктің уақтылы ұсынылуы; * өзіне берілген өкілеттіктер шегінде ақпараттық жүйелермен жұмыс тәртібінің сақталуы; * бухгалтерлік қызмет қалыптастыратын деректердің дұрыстығы үшін жауапты болады.

Профессиональные навыки: бюджет процесі және қаржылық тәртіп саласындағы заңнамасына сәйкес бухгалтерлік есепті ұйымдастыруды және жүргізуді; қаржылық және бюджеттік есептілікті жасауды; бюджет қаражатының мақсатты әрі тиімді пайдаланылуын бақылауды қамтамасыз етеді.;

Личные качества: Ответственность; Терпеливость; Работа в MS Office; Компьютерная грамотность;

Знание языков: Казахский / высокий уровень

Регион: Мангистауская область, Бейнеуский район, с.Бейнеу

Место работы: Қосай Ата 15