Бизнес ассистент қажет

БИЗНЕС-АССИСТЕНТ

График работы: 6/1

Занятость: полная, частичная

Сіз бизнесті басқаруды теорияда емес, реальный практикада үйренгіңіз келеді ме? Компания иесімен тікелей жұмыс істеп, өндірістік бизнесті басқаруды үйренгіңіз келе ме?

BLOCK INDUSTRY CORP командасына қосылыңыз.

Біз Шымкентте қабырға мен қоршауға арналған сплиттерлік блоктар, шлакоблоктар және әмбебап құрылыс блоктарын өндіреміз әрі сатамыз.

Өндірісті кеңейтіп, бизнесті жүйелеп жатырмыз. Компания иесінің уақытын күнделікті ұйымдастыру жұмыстарынан босатып, даму мен сатуға көбірек көңіл бөлуіне көмектесетін БИЗНЕС-АССИСТЕНТ қажет.

Сіздің міндеттеріңіз

- Жұмысшылар мен шеберлерді іздеу, бастапқы сөйлесуді өткізу және жұмысқа шығуын ұйымдастыру.

- Жаңа қызметкерлерді жұмыс тәртібімен таныстырып, бейімделуіне көмектесу.

- Құралдар, қолғаптар, материалдар, жанармай және қосалқы бөлшектерді жеткізуді ұйымдастыру.

- Қажетті заттардың қорын бақылап, уақытында толықтыру.

- Станоктар, электродвигательдер және погрузчиктің жөндеуі мен күтімін мамандар арқылы ұйымдастыру.

- Шаруашылық, кішігірім құрылыс және жөндеу жұмыстарын үйлестіру.

- Тазалықты, сенбіліктерді және жұмысшылардың тұрмыстық қамтамасыз етілуін ұйымдастыру.

- Коммуналдық, аренда және тапсырылған кредит төлемдерінің мерзімін бақылау.

- Жұмысшылардың құжаттарын рәсімдеуге және мекемелерге баруына көмектесу.

- Тапсырмалардың орындалуын қадағалап, нәтижелер мен мәселелер туралы қысқа есеп беру.

Бізге қажетті дағдылар

- Шымкентте офлайн жұмыс істеуге, өндіріс аумағына және тапсырма бойынша мекемелерге баруға дайынсыз.

- Қазақша және орысша жұмыс мәселелерін түсінікті жеткізесіз.

- Компьютермен, Excel немесе Google Sheets-пен бастапқы деңгейде жұмыс істейсіз.

- Адамдармен келісіп, ақпаратты нақтылап, тапсырманы аяқтауға жеткізе аласыз.

- Ақша мен құжаттарға ұқыпты қарайсыз, қатені немесе кешігуді жасырмайсыз.

- Үйренуге және кері байланыс бойынша жұмысыңызды жақсартуға дайынсыз.

Тәжірибеңіз аз болса да, ұйымдастыру қабілетіңіз бен үйренуге дайындығыңызды қараймыз.

Сіз не аласыз?

- Жалақы: 100 000 ₸ + %. Пайыздың есептеу негізі, мөлшері және төлеу тәртібі сұхбатта келісіледі.

- Түскі ас беріледі.

- Компания иесімен бірге «Система және Ақша» курсын тегін оқу мүмкіндігі.

- Бизнесті жүйелеуге қатысып, пайдалы ұсыныстарыңызды іске асыру мүмкіндігі.

Аты-жөніңізді, тәжірибеңізді және өзіңіз ұйымдастырып аяқтаған бір жұмысты қысқаша жазыңыз. Резюмеңіз болса, қоса жіберіңіз. Өтінімді мына сөздерден бастаңыз: «Мен сіздің командаңызға қосылғым келеді»

WhatsApp: +7 ***30

Мекенжай: Шымкент, Темірлан тас жолы, Бадам көпірі маңындағы ағаш базары.