SMM-менеджер

SANA.Online командасына SMM менеджері қажет

SANA.Online — НЗМ-ге жүйелі дайындыққа арналған толыққанды интерактивті жаттығу құралы. Біз ата-аналармен және оқушылармен жұмыс істеп, балалардың онлайн мобильдік қосымша арқылы жүйелі дайындалуына көмектесеміз.

Мобильдік қосымшамызда бейнесабақтар, тақырыптық тесттер, практикалық тапсырмалар, қатемен жұмыс, оқу прогресінің аналитикасы және куратор тарапынан сүйемелдеу қарастырылған.

Біз әлеуметтік желілерімізді дамытып, ата-аналар мен оқушыларға пайдалы әрі қызықты контент жасайтын SMM-менеджер іздейміз. Негізгі міндет — Instagram, TikTok және басқа да алаңдар арқылы SANA.Online брендін дамыту, аудиторияны тарту және білім беру өнімдерін дұрыс таныстыру.

Міндеттері:
– жобаның Instagram және TikTok парақшаларын жүргізу;
– айлық және апталық контент-жоспар құрастыру;
– пост, сторис және Reels үшін мәтін жазу;
– видео, сторис және жарнамалық креативтерге идея дайындау;
– посттар, сторис, мұқабалар және презентациялық материалдар үшін қарапайым визуалдар жасау;
– Canva, Figma немесе басқа дизайн құралдарымен жұмыс істеу;
– идея, мәтін, сценарий, визуал және контент талдауы үшін AI-құралдарды қолдану;
– контентті уақытылы жариялау және ақпараттың өзектілігін бақылау;
– аудитория белсенділігін және контент тиімділігін талдау;
– онлайн курстар мен білім беру бағдарламаларын ілгерілетуге қатысу;
– трендтерді бақылап, оларды SANA.Online форматына бейімдеу.

Талаптар:
– қазақ және орыс тілдерін міндетті түрде білу;
– қазақ тілінде сауатты, түсінікті және табиғи мәтін жаза алу;
– Instagram, TikTok және қазіргі әлеуметтік желі трендтерін түсіну;
– базалық дизайн дағдылары және визуал талғамының болуы;
– Canva, Figma немесе соған ұқсас сервистермен жұмыс істей алу;
– ChatGPT, Canva AI, CapCut AI, Midjourney немесе басқа AI-құралдарды қолдана білу;
– қарапайым, түсінікті және назар аударатын мәтін жаза алу;
– креативтілік, ізденімпаздық және бастамашылдық;
– жауапкершілік және дедлайндарды сақтау;
– білім беру саласына қызығушылық;
– ата-аналар аудиториясына дұрыс коммуникация жасай білу.

Артықшылық болады:
– білім беру жобаларымен жұмыс тәжірибесі;
– Reels/TikTok сценарийлерін жазу тәжірибесі;
– контент түсірілімін ұйымдастыру тәжірибесі;
– таргет, аналитика немесе блогерлермен жұмыс бойынша базалық түсінік;
– портфолио немесе жүргізген парақшалар мысалдарының болуы.

Біз ұсынамыз:
– болашағы бар EdTech жобада жұмыс істеу мүмкіндігі;
– кәсіби өсу және жаңа дағдыларды дамыту;
– команда тарапынан оқыту және қолдау;
– гибрид жұмыс форматы;
– заманауи AI-құралдарды жұмыста қолдану мүмкіндігі;
– жаңа білім беру өнімін дамытуға тікелей қатысу;
– қызықты әрі әртүрлі шығармашылық тапсырмалар;
– жұмыс кестесін келісу мүмкіндігі;
– нақты міндеттер мен түсінікті жұмыс жүйесі.

Бұл вакансия сізге сай болса, түйіндемеңізді және бар болса, жұмыс үлгілеріңізді жіберіңіз.

SMM саласында дамып, контент, дизайн және заманауи AI-құралдарымен жұмыс істегіңіз келсе, әрі білім беру саласына қызықсаңыз — сізді SANA.Online командасында күтеміз.