Сапа және қамқорлық бөлімінің маманы

GeOnline — ҰБТ-ға дайындық бойынша онлайн-мектеп. Біздің командамызда 270-тен астам қызметкер жұмыс істейді. Біз Қазақстанның түкпір-түкпіріндегі оқушыларға сапалы білім беріп, грантқа түсуге көмектесеміз.

Қазіргі уақытта біз Сапа және қамқорлық бөлімін дамытып жатырмыз. Бізге оқушылар мен ата-аналардың өтініштерімен жұмыс істейтін, мәселелерді шешуге және қызмет сапасын жақсартуға үлес қосатын маман қажет.

Сіздің міндеттеріңіз:

• Оқушылар мен ата-аналардың қаражатты қайтаруға қатысты өтініштерін алғашқы қоңыраудан бастап мәселе толық шешілгенге дейін жүргізу: өтініштің нақты себебін анықтау, ықтимал шешім жолдарын ұсыну және шарт талаптарына сәйкес қаражатты қайтару рәсімін ұйымдастыру;
• Оқушылармен және ата-аналармен сұхбат жүргізу: оқу үдерісінде не ұнайтынын, қандай қиындықтар кездесетінін және оқуды тоқтатуға не себеп болатынын анықтау;
• Барлық өтініштерді кестеде және CRM жүйесінде тіркеу және есепке алу;
• Ай сайын өтініштердің негізгі себептері бойынша есеп дайындау, курс пен қызмет көрсету сапасын жақсарту жөнінде ұсыныстар енгізу;
• Академиялық бөліммен, сату бөлімімен және қаржы бөлімімен тығыз байланыста жұмыс істеу.

Қойылатын талаптар:

• 10–11 сынып оқушыларымен немесе олардың ата-аналарымен жұмыс істеу тәжірибесі кемінде 2 жыл (мұғалім, репетитор, куратор, әдіскер);
• Қазақ және орыс тілдерін ауызша және жазбаша еркін меңгеру;
• Күрделі әңгімелерді сабырмен жүргізе білу: адамның эмоциясын түсіну және сонымен қатар келісілген талаптар мен міндеттемелерді сақтай білу;
• Google Sheets немесе Excel бағдарламаларында сенімді жұмыс істей білу;
• Ұқыптылық, ізденімпаздық және жағдайдың мән-жайын анықтау үшін қажетті сұрақтарды қоя білу.

Қосымша артықшылық болады: ҰБТ-ға дайындық немесе онлайн-білім беру саласындағы тәжірибе, Bitrix24 CRM жүйесін меңгеру.

• Операциялық директормен бірге нөлден бастап жаңа бағытты қалыптастыру мүмкіндігі;
• Өнім мен қызмет сапасын жақсартуға тікелей ықпал ету: сіздің талдауларыңыз бен ұсыныстарыңыз басшылық деңгейінде қарастырылады;
• Үздік қызметкерлер үшін компания есебінен шетелге саяхат;
• Қазақстан оқушыларына жоғары оқу орнына түсуге көмектесетін, маңызы бар жобаның бір бөлігі болу;

• Ресми жұмысқа орналасу.

Жұмыс шарттары:

• Формат: офлайн, Астана
• Жұмыс кестесі: 6/1.