«ҚАЗАҚ РАДИОЛАРЫ» ЖШС Қаржы қызметінің бухгалтері

Міндеттері:

• Көрсетілген қызметтер (орындалған жұмыстар) бойынша заңды және жеке тұлғалар алдындағы кредиторлық берешектің есебін жүргізеді.
• Контрагенттермен (заңды тұлғалармен) өзара есеп айырысуларды салыстыру актілерін дайындап, белгіленген тәртіппен қол қоюды қамтамасыз етеді.
• Салық есептілігін дайындап, белгіленген тәртіппен ұсынады (300.00-нысан – «Қосылған құн салығы бойынша декларация», 300.07, 300.08-нысандар – «Берілген және алынған шот-фактуралар тізілімдері»; 101.04-нысан – «Бейрезиденттің табысынан төлем көзінен ұсталатын корпоративтік табыс салығы бойынша есеп»; 871.00-нысан – «Қоршаған ортаны ластағаны үшін төлем бойынша декларация»; салық тіркелімдерін толтыру және бекіту; бухгалтерлік есеп деректерін дербес шоттардағы деректермен ай сайын салыстырып тексеру).
• Қызметтер мен қорлар бойынша статистикалық есептілікті дайындап, белгіленген тәртіппен тапсырады.
• Қорлардың есебін жүргізеді.
• Еңбекақыны және еңбекке ақы төлеудің өзге де түрлерін есептейді.
• Салықтарды (жеке табыс салығы, әлеуметтік салық) және бюджетке төленетін басқа да міндетті төлемдерді (міндетті зейнетақы жарналары, әлеуметтік аударымдар, міндетті әлеуметтік медициналық сақтандыру аударымдары) аударады.
• Есеп айырысу-төлем ведомосын ай сайын Серіктестіктің Бас директорына бекітуге ұсынады.
• Серіктестік қызметкерлеріне есеп айырысу парақтарын ай сайын береді.
• Демалыстар бойынша резервті, әлеуметтік салық пен әлеуметтік аударымдарды есептейді.
• Салық есептілігін дайындап, белгіленген тәртіппен ұсынады (200.00, 210.00-нысандар – «Жеке табыс салығы және әлеуметтік салық бойынша декларация»; салық тіркелімдерін толтыру және бекіту; бухгалтерлік есеп деректерін дербес шоттардағы деректермен ай сайын салыстырып тексеру).
• Еңбекақы төлеу бойынша статистикалық есептілікті дайындап, белгіленген тәртіппен тапсырады.
• Негізгі құралдардың (бұдан әрі – НҚ) есебін жүргізеді (меншікті және сенімгерлік басқаруға қабылданған).
• Материалдық емес активтердің (бұдан әрі – МЕА) есебін жүргізеді.
• Контрагенттермен (НҚ және МЕА жеткізушілерімен) өзара есеп айырысуларды салыстыру актілерін дайындап, белгіленген тәртіппен қол қоюды қамтамасыз етеді.
• НҚ мен МЕА түгендеуін жүргізуге арналған түгендеу тізімдемелерін дайындайды.
• НҚ мен МЕА-ны жалға беру және оларды қайтару кезінде қабылдау-тапсыру актілерін дайындап, белгіленген тәртіппен қол қоюды қамтамасыз етеді.
• Қаржы қызметінің құзыреті шегінде Серіктестіктің құрылымдық бөлімшелерімен өзара іс-қимыл жасайды.
• Серіктестікте белгіленген талаптарға сәйкес күнделікті, апталық және айлық есептілікті жүзеге асырады.
• Ұжымда жағымды моральдық-психологиялық ахуалды қолдайды. Өзара көмек, жауапкершілік, сенім, қолдау және оптимизм қағидаттарын ұстанады.
• Еңбек міндеттерін еңбек шартына, ұжымдық шартқа және Серіктестікте бекітілген жұмыс берушінің актілеріне сәйкес орындайды.
• Еңбек және атқарушылық тәртіпті сақтайды.
• Бөлім басшысының және Серіктестік басшылығының еңбек қызметіне байланысты тапсырмаларын орындайды.
• Жұмыс орнында еңбек қауіпсіздігі мен еңбекті қорғау, өрт қауіпсіздігі және өндірістік санитария талаптарын сақтайды.
• Жұмыс берушінің және қызметкерлердің мүлкіне ұқыпты қарайды.
• Адамдардың өмірі мен денсаулығына, жұмыс беруші мен қызметкерлердің мүлкінің сақталуына қауіп төндіретін жағдайлар, сондай-ақ өндірістік тоқтап қалу фактілері туындаған жағдайда бұл туралы жұмыс берушіге хабарлайды.
• Еңбек міндеттерін орындауына байланысты өзіне белгілі болған мәліметтердің құпиялылығын сақтайды және оларды жария етпейді.
• Бөлімше басшысы уақытша болмаған кезеңде (еңбек демалысы, іссапар, уақытша еңбекке жарамсыздық және өзге де жағдайларда) Қаржы қызметінің басшысы – бас бухгалтердің лауазымдық міндеттерін орындайды.

Талаптар:

• Білімі: жоғары (жоғары оқу орнынан кейінгі), экономикалық;

• Жұмыс тәжірибесі: есепке алу және бақылау саласында кемінде 2 жыл.

Жұмыс шарттары:

• Жұмыс кестесі: 5/2, 09:00-ден 18:00-ға дейін;
• Даму және мансаптық өсу мүмкіндігі;
• Корпоративтік іс-шаралар;
• Мемлекеттік және кәсіби мерекелерге сыйақылар;
• Жыл сайынғы еңбек демалысына материалдық көмек;
• Тұрақты еңбекақы;
• Үлкен әрі тату ұжымда баға жетпес тәжірибе.